Yndisleg helgi

Guð minn góður hvað þetta var frábær helgi hjá okkur skvísunum mátti til með að segja ykkur frá því Ég var sem sagt að koma heim úr sumarbústaðaferð saumaklúbbsins "sex í fimum fingrum " helgin var alveg frábær í alla staði Komum á föstudagseftirmiðdegi og fórum strax að undirbúa kvöldmatinn Óla útbjó alveg frábæra sjávarréttasúpu nammi namm og svo var ostakaka sem Gunna útbjó og kom með úr nýja Nóa Síríus bæklingnum í eftirrétt hún Gunna klikkar ekki á kökunum skal ég segja ykkur . Svo var talað saman prjónað og hlegið langt fram á nótt

Svo í hádeginu á laugardag höfðum við brunch allavegana álegg og brauð, flatkökur sem Guðrún Sæm bakaði nammi namm alveg rosalega góðar , ostar jógúrt ofl.

Svo um tvö leytið fór ég að undir búa kvöldmatinn með aðstoð sonar míns var í beinni við hann í símanum hjúkket að búið var að finna upp gsm Ég skar niður gulrætur og lauk og brúnaði í smjöri í potti og setti svo rauðvín saman við það og sauð það niður í margar klukkutíma. Svo um kl 5 fór ég að undirbúa svínalundirnar búa til gráðostafyllinguna og setja inní lundirnar Óla hjálapði mér við það Svo lokaði ég kjötinu á pönnu og setti svo í ofnskúffu , setti svo sveppi á pönnu og afganginn af fyllingunni og lét það malla smá og setti síðan ofan á lundirnar og lét inn í ofn. Við vorum búnar að setja ostagrænmetið inn í ofninn , það er alveg sjúklega gott, við notuðum sveppi,lauk,blaðlauk,papríku og sætar kartöflur og settum svo gullost og piparost yfir þetta klikkar ekki, svo útbjó Nína  kartöflubáta sem einnig fóru í ofninn. Við ákváðum að fara í pottinn á meðan þetta mallaði í ofninum í ca hálftíma. Haldið þið að rafmagnið hafi ekki farið, en það sakaði ekki við kveiktum á kertum og fórum í pottinn . Svo þegar við komum uppúr var maturinn i ofninum athugaður og viti menn hann var tilbúinn , ofninn var svo heitur þegar rafmagnið fór.   En sósan humm ég hafði ekki  lokið við að útbúa hana, við dóum ekki ráðalausar  auðvitað kveiktum við á grillinu og settum pottinn á og kláruðum að útbúa hana nammi namm. Við vorum allar sammála um að þetta hefði verið æðislegur matur.  Þetta var rosalega rómó kvöldverður við kertaljós  Við vorum rafmagnslausar í um 3 tíma.

Svo útbjó Hulda eftirréttinn sem voru allskonar ferskir ávextir, ís , heit súkkulaðisósa og sprauturjómi, Þetta var alveg æðislegt  Ég gerði fullt af kortum , svona afmæliskortum mér finnst svo gott að eiga svoleiðs á lager  Svo var hlegið og kjaftað langt fram á morgun  Mæli með svona ferðum, þær eru æði     Jæja elskurnar mínar nú eru bara nokkrir dagar í 1 árs kjörþyngdar afmælið mitt .  Gangi ykkur vel dúllurnar mínar.